ወያኔ አቶ ማሙሸት ዓማረንና አቶ ለገሰ ወልደሃናን በማሰቃየት ላይ መሆኑ ተሰማ ::በእስር ላይ በሚገኙት በመላዉ ኢትዮጵያ አንድነት ድርጅት (መኢአድ) አመራሮች ላይ የሚደረገዉ ኢሰበአዊ አያያዝ ቀጥሏል:: በተለይም በአቶ ማሙሸት አማረ (የመኢአድ ፕሬዝዳንት) እና በአቶ ለገሰ ወልደሃና (የመኢአድ የህዝብ ግንኙነት ም/ሃላፊ) ላይ የከፋ ኢሰበአዊ አያያዝ እየተፈጸመባቸዉ ሲሆን በየቀኑ በሚደርስባቸዉ ድብደባና ስቃይ የተነሳ ህይወታቸው አደጋል ይገኛል::
የወያኔ መንግስት በፖለቲካ ተቃዋሚነትም ሆነ በጋዜጠኝነት ያያዛቸዉን እስረኞች ሁሉ በጭቃኔ እንደሚያሰቃያቸዉ እና በመጨረሻም ብዙዎቹ ለጤና መታወክ ብሎም ለሞት እንደሚዳረጉ ይታወቃል:: የመላዉ አማራ ህዝብ ድርጅት (መአህድ) መስራችን ፕሮፌሰር አስራትን እንደ አብነት መጥቀስ ይቻላል::
በቅርቡም አቶ ሀብታሙ የሰጠዉን ምስክርንት ማስታወስ በቂ ነዉ:: በተለይም የአማራ ዘር ያላቸዉን እስረኞች በተለዬ እና በረቀቀ የማሰቃያ ስልት እያሰቃየ ህይወታቸው እንዲያልፍ ያደርጋል:: አቶ ለገሰ እና አቶ ማሙሸትም የዚሁ የወያኔ የጭካኔ ሰለባ ሆነዋል::
በመላዉ አለም የምትገኙ የመኢአድ ደጋፊዎች እንዲሁም ኢትዮጵያዉያን የዲሞክራሲ እና የሰበአዊ መብት ተቆርቋሪ ሀይሎች በአቶ ለገሰ እና በአቶ ማሙሸት አማረ ላይ የሚደርሰዉን እጅግ ዘግናኝ ኢሰበአዊ አያያዝ እንድታወግዙ እንጠይቃለን:: እንዲሁም ይሄንኑ ሁኔታ ለልዩ ልዩ አለም አቀፍ ተቋማት እንድታሳዉቁ እናሳስባለን::
ሸንኩጥ ዓየለ